მეცხრე დღე

დღეს ტრენინგის ბოლო ,მეცხრე დღეა.პროექტის თემატური გეგმა დავკარგე,თავიდან მექნა დასაბეჭდი. საბოლოოდ გადავხედე ჩემს პროექტს. მოვაწესრიგე ყველა საქაღალდე . სამუშაო დღე იყო პოზიტიური და საინტერესო.

ჩვენს ტრენერს,ბატონ გიორგის ვუხდი დიდ მადლობას ყოველი დღისთვის,თითოეული საკითხი ჩვენთვის საჭირო და აუცილებელია ჩვენი შემდგომი ნაყოფიერი მუშაობისათვის.

მერვე დღე

 ტრენინგი  საშინაო დავალებით დავიწყეთ. მე დაუსრულებული მქონდა მოსწავლის პრეზენტაცია და  ჩექლისტი. შემდეგ შევუდექით ახალი მასალის ათვისებას, დრაივში გადავამოწმეთ წინა ტრენინგზე შექმნილი საქაღალდეები, ვისწავლეთ დოკუმენტის ატვირთვა დრაივში სხვადასხვა გზით.
     შემდეგ პორტფოლიოში შევიტანეთ დამთავრებული დოკუმენტები, და განვალაგეთ შესაბამის საქაღალდეებიში. ამის შემდეგ ვისწავლეთ დრაივზე განთავსებული პორტფოლიოს დადება ბლოგზე, გაზიარება.ყველა ეტაპი ჩავიწერე და რამდენიმეჯერ გავიმეორე -- ვისწავლე ,  თან გავიმეორეთ გვერდის დამატება ბლოგზე.
  შესვენების შემდეგ ვისაუბრეთ ფასილიტაციაზე, განვიხილეთ სახელმძღვანელოს მეშვიდე მოდული. შემდეგ მივიღეთ საშინაო დავალება.
1.პროექტის გეგმა დავასრულოთ,  დიფერენცირებული სწავლება
2. სასწავლო თემისთვის საჭირო მასალები
3.  დანარჩენი ყველა რესურსების გრაფა
4. მოვემზადოთ პორტფოლიოს წარდგენისთვის.

მეშვიდე დღე

ტრენინგის მეშვიდე დღე საშინაო დავალების განხილვით დავიწყეთ.გიორგის დახმარებით შევავსე კოლაბორაციული შეფასების რუბრიკა და პრეზენტაციის შეფასების რუბრიკა.
შემდეგ გადავედით დრაივში მუშაობაზე, წინა ტრენინგზე შექმნილი საქაღალდის გარდა შევქმენით სხვა საქაღალდეებიც, და მოვამზადეთ მზა და დასრულებული დოკუმენტების შესატანად. შეფასებების საქაღალდეში შევიტანე დოკუმენტი, ვისწავლეთ დრაივში დოკუმენტის თემისა და დიზაინის შეცვლა.
 ვისწავლე დექსტოპიდან და ელექტრონული ფოსტიდან დოკუმენტების გაგზავნა დრაივის საქაღალდეებში.
 შემდეგ განვიხილეთ სახელმძღვანელოს მე-3 მოდული_კავშირები. ანუ როგორ გამოვიყენოთ ტექნოლოგიები, სოც ქსელები, შეიძლება ჩავატაროთ ვიდეო კომენტარი და კლასში განვიხილო ეს საკითხი. ვისაუბრეთ ინფორმაციის მოპოვებისას თუ რა მნიშვნელობა აქვს საავტორო უფლებებს და როგორ მივხვდეთ დაცულია თუ არა ინფორმაცია.
 განვიხილეთ სახელმძღვანელოს მეოთხე მოდული და მივიღეთ საშინაო დავალება:
1.მოსწავლის ნიმუშის ჩექლისტის შექმნა
2. პრეზენტაციის მომზადება_მოსწავლის ნიმუში

მეექვსე დღე

ტრენინგის მეექვსე დღეს განვიხილეთ მეხუთე მოდული, რომელიც მოსწავლეთა პრეზენტაციის შეფასებებს შეეხებოდა. ამ მოდულის საშუალებით გავიგე თუ როგორ გამოვიყენო შეფასების რუბრიკები და ქულების მინიჭების სქემები მაღალი სააზროვნო უნარების განვითარებისათვის.
განვიხილეთ და ვისწავლე google drive-ში მუშაობა, რომელიც არის ელექტრონული ინფორმაციის საცავი.
ვისწავლე შეფასების ფორმის ვიცი,მინდა ვიცოდე, ვისწავლეს ელექტრონული ფორმის შექმნა. ეს მოსახერხებელია იმისათვის  დავაკვირდე მეტი მოსწავლის ნაშრომს და გავიგო რა ისწავლეს მათ.
მიმდინარე მოდული დამეხმარება,რომ  გავაანალიზო  რამდენად მნიშვნელოვანია მოსწავლეზე ორიენტირებული შეფასების ფორმების შექმნა.

მეხუთე დღე

  საშინაო დავალების განხილვის  შემდეგ გადავედით ახალი მასალის შესწავლაზე.შევისწავლე ბლოგზე ახალი გვერდების შექმნა და მასთან დაკავშირებული სხვადასხვა ინსტრუმენტების გარჩევა. ვისწავლე ბროშურისათვის ელექტრონული ვერსიის შექმნა.  ბროშურა  მოსწავლეებს და მშობლებს დაეხმარება პროექტის დაწყებამდე მათთვის საჭირო ინფორმაციის მიღებაში.ვიმუშავე ბროშურაზე,ჩავტვირთე სურათები ,შევურჩიე ფონი.

განვიხილეთ  როგორ იქმნება პრეზენტაციისთვის სლაიდ შოუ. ამ თემასთან დაკავშირებით მოგვცა ტრენერმა დავალება. სლაიდშოუ შედგება შვიდი სლაიდისაგან, სადაც უნდა წარმოვადგინო პროექტის შინაარსი, მიზანი და შედეგები,შინაარსობრივი სტანდარტები და ინდიკატორები,მიმართულების მიმცემი საკვანძო კითხვები, შეფასება.

დღე მეოთხე

განვიხილე საშინაო დავალება, კერძოდ მიმართულების მიმცემი საკვანძო კითხვები
( შინაარსობრივი,თემატური,ზოგადი) .დამუშავებული  კითხვები განვათავსე პროექტის
გეგმის შაბლონში.
ვისწავლე ბლოგზე კომენტარების გაკეთება.გავუგზავნე კომენტარები ჩვენი ბლოგის მონაწილეებს.
განვიხილე მეორე მოდულის  მესამე და მეოთხე აქტივობები.მოცემული აქტივობების მიხედვით შევარჩიე ჩემი პროექტის შეფასების მეთოდები.

დღე მესამე

განვიხილე საშინაო დავალება.

განვიხილე ბლოგის ინსტრუმენტები,შაბლონისა და დიზაინის გამოყენებით შემიძლია ბლოგის ფონის  შეცვლა.

ვისწავლე პოსტის განთავსება ბლოგზე,რომელსაც მუშაობაში გამოვიყენებ.

შევიმუშავე მიმართულების მიმცემი საკვანძო კითხვები:
შინაარსობრივი

1. რა შემთხვევაში ვიტყვით,რომ სიბრტყეზე მოცემულია დეკარტეს მართკუთხა კოორდინატთა სისტემა?
2. რას უდრის იმ წერტილის აბსცისა,რომელიც ორდინატთა ღერძს ეკუთვნის?
3. როგორ განისაზღვრება ამ წერტილის  ორდინატი?
4. რას უდრის კოორდინატთა სათავის კოორდინატები?
5. როგორ გვესმის წერტილის გეოგრაფიული კოორდინატები?
6. დაადგინე თბილისის გეოგრაფიული კოორდინატები.
7. გემი "ტიტანიკი" ჩაიძირა ჩ.გ.43-ისა და დ.გ.50 -ის გადაკვეთაზე ჩაიძირა.გამოარკვიე რომელ ოკეანეში მოგზაურობდა გემი?
8. როგორ მეხმარება მათემატიკა გეოგრაფიული კოორდინატების დადგენაში?

თემატური

1. არსებობს თუ არა დედამიწაზე წერტილი,რომლის კოორდინატებია ჩ.გ.95 და ა.გ.185 .პასუხი დაასაბუთეთ.
2. როგორ  გამოიყენება კოორდინატები ყოფა-ცხოვრებაში და საჭიროა თუ არა ისინი საქმის კარგად გასაკეთებლად?
3. კოორდინატების ცოდნა რით გაგიადვილებთ ცხოვრებას?

ზოგადი
      1.  ნამდვილად მნიშვნელოვანია სიზუსტე?

დღე მეორე

   გავეცანით სასწავლო პროექტის გეგმის შაბლონს. შევარჩიეთ პროექტის თემა,
დავიწყეთ მისი შევსება.

დღე პირველი

 ურთიერთდაცნობის  შემდეგ ტრენერმა (გიორგი არავიაშვილი) გაგვაცნო ტრენინგის თემა. გავეცანით სახელმძღვანელოს,გავიხსენეთ ელ.ფოსტით სარგებლობა. ჯგუფური მუშაობით განვიხილეთ პროექტების გეგმები და მოვახდინეთ პრეზენტაცია.
 დღემ საინტერესოდ ჩაიარა.